Numbers 1

Ukubalwa Kwabantu

1UJehova wakhuluma kuMosi eThenteni lokuHlanganela eNkangala yaseSinayi ngosuku lwakuqala lwenyanga yesibili emnyakeni wesibili ngemva kokuphuma kwabako-Israyeli eGibhithe. UJehova wathi:

2“Balanini abantu bonke bako-Israyeli ngosendo langezindlu zabo, lenze uluhlu lwamabizo amadoda, inye ngayinye.

3Wena lo-Aroni lizaqoqa ngezigaba wonke amadoda ako-Israyeli kusukela kwabaleminyaka engamatshumi amabili kusiya phezulu abangaba libutho. 4Kuzo zonke izizwe indoda eyodwa, eyinhloko yendlu, imele ilincedise. 5La yiwo amabizo amadoda azaliphathisa: esizwaneni sikaRubheni, u-Elizuri indodana kaShedewuri;

6esizwaneni sikaSimeyoni, uShelumiyeli indodana kaZurishadayi;

7esizwaneni sikaJuda, uNahashoni indodana ka-Aminadabi;

8esizwaneni sika-Isakhari, uNethaneli indodana kaZuwari;

9esizwaneni sikaZebhuluni, u-Eliyabi indodana kaHeloni;

10emadodaneni kaJosefa: isizwana sika-Efrayimi, u-Elishama indodana ka-Amihudi; esizwaneni sikaManase, uGamaliyeli indodana kaPhehahuzuri;

11esizwaneni sikaBhenjamini, u-Abhidani indodana kaGidiyoni;

12esizwaneni sikaDani, u-Ahiyezeri indodana ka-Amishadayi;

13esizwaneni sika-Asheri, uPhagiyeli indodana ka-Okhirani;

14esizwaneni sikaGadi, u-Eliyasafi indodana kaDuweli;

15esizwaneni sikaNafthali; u-Ahira indodana ka-Enani.”

16La yiwo amadoda ayekhethwe ebantwini bakuleyondawo, bengabakhokheli bezizwe zabokhokho babo. Babezinhloko zezizwana zako-Israyeli.

17UMosi lo-Aroni bathatha amadoda la alamabizo ayeqanjiwe 18basebebizela ndawonye bonke abantu ngosuku lokuqala lwenyanga yesibili. Baziveza umdabuko wabo ngosendo langezindlu zabo, ngakho kusukela emadodeni aleminyaka engamatshumi amabili kusiya phezulu kwabhalwa amabizo awo, inye ngayinye, 19njengokulaywa kukaMosi nguJehova. Ngakho wababala eNkangala yaseSinayi:

20Ezizukulwaneni zikaRubheni indodana ka-Israyeli elizibulo: Wonke amadoda aleminyaka efika kumatshumi amabili kusiya phezulu ayengaba libutho abhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 21Inani labesizwana sikaRubheni lalizi 46,500.

22Ezizukulwaneni zikaSimeyoni: Wonke amadoda aleminyaka efika kwengamatshumi amabili kusiya phezulu ayengaba libutho abalwa kwabhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 23Inani labesizwana sikaSimeyoni lalizi 59,300.

24Ezizukulwaneni zikaGadi: Wonke amadoda aleminyaka efika kwengamatshumi amabili kusiya phezulu ayengaba libutho kwabhalwa amabizo awo, inye ngayinye, kulandelwa imbali yosendo langezindlu zokuzalwa kwawo.

25Inani labesizwana sikaGadi lalizi 45,650.

26Ezizukulwaneni zikaJuda: Wonke amadoda aleminyaka engamatshumi amabili kusiya phezulu ayengaba libutho abhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 27Inani labesizwana sikaJuda lalizi 74,600.

28Ezizukulwaneni zika-Isakhari: Wonke amadoda aleminyaka engamatshumi amabili kusiya phezulu ayengaba libutho abhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 29Inani labesizwana sika-Isakhari lalizi 54,400.

30Ezizukulwaneni zikaZebhuluni: Wonke amadoda aleminyaka engamatshumi amabili kusiya phezulu ayengaba libutho abhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 31Inani labesizwana sikaZebhuluni lalizi 57,400.

32Emadodaneni kaJosefa: Ezizukulwaneni zikaEfrayimi: Wonke amadoda aleminyaka engamatshumi amabili kusiya phezulu ayengaba libutho abhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 33Inani labesizwana sika-Efrayimi lalizi 40,500.

34Ezizukulwaneni zikaManase: Wonke amadoda aleminyaka engamatshumi amabili kusiya phezulu ayengaba libutho abhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 35Inani labesizwana sikaManase lalizi 32,200.

36Ezizukulwaneni zikaBhenjamini: Wonke amadoda aleminyaka engamatshumi amabili kusiya phezulu ayengaba libutho abhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 37Inani labesizwana sikaBhenjamini lalizi 35,400.

38Ezizukulwaneni zikaDani: Wonke amadoda aleminyaka engamatshumi amabili kusiya phezulu ayengaba libutho abhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 39Inani labesizwana sikaDani lalizi 62,700.

40Ezizukulwaneni zika-Asheri: Wonke amadoda aleminyaka angamatshumi amabili kusiya phezulu ayengaba libutho abhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 41Inani labesizwana sika-Asheri lalizi 41,500.

42Ezizukulwaneni zikaNafthali: Wonke amadoda aleminyaka engamatshumi amabili kusiya phezulu ayengaba libutho abhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 43Inani labesizwana sikaNafthali lalizi 53,400.

44La yiwo amadoda abalwa nguMosi lo-Aroni kanye labakhokheli bako-Israyeli abalitshumi lambili, munye ngamunye emele abendlu yakhe. 45Wonke ama-Israyeli aleminyaka esukela kwengamatshumi amabili kusiya phezulu ayengaba libutho abalwa ngezindlu zawo. 46Inani lawo esehlangene wonke lalizi 603,550.

47Abendlu yesizwana sikaLevi, bonake, ababalwanga kanyekanye lalaba abanye.

48UJehova wayethe kuMosi: 49“Ungabali abesizwe sikaLevi njalo ungabahlanganisi kulokhukubalwa kwabanye laba abako-Israyeli.

50Kodwa, beka abaLevi ukuthi baphathe iThabanikeli loBufakazi – izimpahla zalo zonke kanye lazo zonke izinto ezisetshenziswa kulo. Yibo abazathwala ithabanikeli lezimpahla zalo; bazalinakekela njalo bazalihonqolozela.

51Ngezikhathi zonke nxa ithabanikeli lisuswa abaLevi yibo abazalethula, kuthike nxa selimiswa njalo, abaLevi yibo abazalimisa. Loba ngubani osondela phansi kwalo uzabulawa.

52Abako-Israyeli bazakwakha amathente abo ngezigaba zabo, indoda ngayinye esihonqweni sayo ngaphansi kophawu lwayo. 53Kodwa abaLevi bazamisa amathente abo ehonqolozele ithabanikeli loBufakazi ukuze isizwe sabako-Israyeli singayikwehlelwa lulaka. AbaLevi bazasebenza ukulinda iThabalinikeli loBufakazi.”

54Abako-Israyeli benza konke njengokulaywa kukaMosi nguJehova.